[品味人間] 呢間店應該好多人都認識, 因為個老闆個女係藝人呢.
去呢度食一定要訂位, 因為相當 full 的.
今次食午餐. 叫點心為主. 呢度的食物相對其他酒樓較特別, 所以價錢都相應高返少許.
佢個鮑汁雞腳, 賣相差左DD, 不過好夠味, 好入味, 可能炆得太耐, 雞腳有點醜陋....汁可以配飯, 相當惹味!
鮑魚海浙, 普通左DD, 鮑魚無什香味, 而海浙不夠爽口彈牙.
酥皮叉燒餐包, 呢個係呢度好出名的點心. 人人都話必食. 我都認同呀! 佢唔用菠蘿包皮, 改上了鮮奶球的表皮. 外皮甜甜的, 幾鬆化, 又脆脆地. 叉燒不肥膩, 仲好甜美呢! 而且充滿著醬料, 好惹味! 必食!
帶子水晶球,晶瑩剔透又黏身,煙韌的外皮做得很出色呀! 材料很豐富，有菜，蝦和帶子.
流沙奶皇包, 有好澎湃的流沙餡而出，鹹蛋黃的色澤仲相當橙又光, 個表皮厚薄適中. 個人很喜歡!
蒸鮮魷看上去好普通, 食落就知蒜香很重, 很新鮮呢!
平均一人 HKD180 的午餐, 質素佳, 服務可以, 只是有點嘈而已.
車氏粵菜軒
灣仔駱克道54-62號博匯大廈4樓
Search